Roli “negativ” i Erand Hoxhës në “Fast and Furious”: Si arrita të kontaktoj me stafin dhe raportin me aktorët e tjerë (INTERVISTA)

Roli “negativ” i Erand Hoxhës në “Fast and Furious”: Si arrita të kontaktoj me stafin dhe raportin me aktorët e tjerë (INTERVISTA)

Ai është një emër jo shumë i njohur në vendin tonë përsa i përket kinematografisë por ai mundi të njihej jashtë vendit dhe të bëhet pjesë e një filmi shumë të famshëm. Fjalën e kemi për Erand Hoxhën i cili mundi t’i tërhiqte vëmendjen dhe t’i bënte për vete  regjisorët dhe producentët e huaj.

Erandi do të jetë shqiptari i parë që do të luaj në filmin aksion më të ndjekur në gjithë botën “Fast and Furious”. Përveç personazheve tashmë të njohura nga publiku, që prej vitesh luajnë në episodet e këtij filmi pjesë e kastit të këtij viti është edhe aktori shqiptar Erand Hoxha.

Hoxha është vetëm 30 vjeçari plotë ambicie. I lindur në Tiranë ai ka marrë përsipër që nëkë serial t’i besohet roli  ‘negativ’ i një garuesi, në garat e shpejtësisë që do të zhvillohen gjatë filmit. Duhet të përmendim që xhirmet e kësaj pjese janë bërë në Reykjahlio të Islandës, në liqenin e ngrirë siç shihet edhe nga fotot.

Hoxha në këtë intervistë për opinion.al ai tregon mënyrën se si arriti të futet në kontakt me regjisorët e filmit, marrëdhëniet me aktorët e tjerë dhe për projektet e ardhshme.

Intervista:

Cili është roli juaj në filmin “Fast and Furious 8”, a mund të na jepni ndonjë detaj mbi karakterin e rolit?

Atëherë aty kam rolin e personazhit negativ të një rebeli me forcat ruse, te cilat ne duam ti kapim e ti vrasim, pra jemi në ndjekje të personazheve kryesore, me pak fjalë vetëm aksion me armë nuk është se kam dialog në film.

Si arrite të kontaktoje me regjisorët e filmit dhe si ndihesh që u bëre pjesë “Fast and Furious”?

Te filmat e huaj kam arritur vetë të shkoj pa ndihmën e askujt, nëpërmjet platformës imdbpro, ku te dalin gjithë filmat që kërkojë personazhe aktor që u përshtaten karaktereve te filmit dhe aty ke mundësi të aplikosh vet, pa ndihmën e askujt, një nga këto aplikimet ka qenë dhe filmi “Fast and Furios” i cili i shpalli audicionet në shkurt të 2016.

Pas aplikimit që bëra nuk është se pata ndonjë shprese se do përzgjidhesha, por ndodhi ajo që nuk e mendoja kurrë, me vjen një email nga Christopher Gray i cili është marrë me kastin e filmit “Fast and Furios”. Atij ja di për faleminderit që më përzgjodhi, në atë rol te i cili është i vogel por i madh për mua. U çudita kur pashë që më kishte shkruar: “We love your look and can’t wait to see what you ca do with this character”.

Në çfarë date do të mbahet premiera e parë e “Fast and Furios 8”?

Premiera zyrtare në gjithë vendet është datën 14 prill.

Cili është raporti juaja me aktoret e filmit?

Raportet me aktoret e tjerë nuk është se i kam patur të ngushta, por me të gjithë aty kisha kontakte, në përgjithësi te gjithë janë shumë funny, shume të mirë.

Kush janë projektet e tua në të ardhmen?

Është një film anglo-shqiptarë “Elvis Walks Home, me regji të Johnatan Pearce dhe Fatmir Koçit. Këtu flitet për luftërat angleze që janë bërë në Serbi-Kosove-Shqipëri, ku pjese e pushtimit jam dhe unë, grabisim shtëpitë mbas luftës, rrëmbenim fëmijët u shisnim organet etj, pak a shumë ky është roli. Premiera zyrtare është në tetor. Dmth është film që ka dramë, luftë është një nga me të bukurit për mua.

 

Filed in: Art

Share this post