Kryeministri Edi Rama vijoi shpërndarjen e lejeve të legalizimit për banorët e Kukësit.
Nga qyteti veri-lindor, kreu i Qeverisë e cilësoi gjithë procesin e legalizimeve një investim për të gjithë qytetarët në Shqipëri që e kanë përfituar atë.Kjo, sipas kryeministrit, vërtetohet nga fakti se deri më sot janë kryer nga qeveria e majtë 130 mijë legalizime, nga të cilat thuajse 95 përqind kanë qenë banesa.Qytetarëve në Kukës, Rama u tha se procesi i legalizimit sot bëhet falas, ndërsa më parë ai i kushtonte shtetit dhe qytetarëve shumë para për buxhetin dhe ekonominë familjare.
Ndërkohë, sot tha Rama, banesat e legalizuara janë një kapital i zhbllokuar për çdo familje për shkak se njihen edhe nga bankat.
