“Çështja e pronës është një nga më themeloret në programin tonë. Ajo rëndon mbi qytetarët dhe qeveria prej 20 vjetësh mëkaton me pronën. Ne duam t’i japim fund rropatjes së pronarëve dhe familjeve që kanë kërkuar pronën dhe s’kanë marrë asgjë. Nëse kjo çështje nuk zgjidhet, Shqipëria do të zhytet në errësirë”, keshtu shprehej Edi Rama me 11 Prill 2012,ne ate kohe kryetari i PS.
Por sot më 9 Nentor 2018, ceshtja e pronave mbetet një plagë po kaq e hapur sa në 2012 kur Kryeministri aktual e konsideronte si një nga themelet e programit me të cilin PS do te vinte në pushtet 2 vite më vonë.
Sot, deputet e opozitës bëjnë të njëjtat thirrje sic bënin koleget e tyre kur ishin në opozitë.
“Këta qytetarë janë me të gjitha të drejtat banorë të atyre banesave. Mbështetja jonë do të jetë mbështetje morale, do te jemi në krah të qytetarëve. Nuk mund t’i heqim të drejtën e strehimit që është baza. I kemi hequr të drejtën e punësimit por nuk mund t’i heqim edhe këtë të strehimit”, u shpreh Oriola Pampuri, deputete e PD, gjatë protestës që qytetarët e “Unazës së Re”.
Por le t’iu kujtojmë qytetarëve disa të drejta të tyre që deputetë, politikanë, përfaqësues të shoqërisë civile, gazetarë dhe opinionistë nuk marrin guximin t’ua thonë qytetarëve në rastet kur strukturat e shtetit iu mbijnë në derë për t’iu prishur pronat e tyre, qoftë këto të legalizuar apo në proces legalizimi.
Prona ngelet pronë sidoqoftë ajo.
Le të sjellim në memorien e të gjithëve shkeljet që iu bëhen qytetarëve shqiptar, sidomos atyre që janë në proces legalizimi të shtëpive të tyre, duke iu hequr të drejtën e dëmshpërblimit sipas vlerës së tregut në rastet kur shteti i prish këto shtëpi për arsye të projekteve madhore apo strategjike.
1 . Deklarata Universale për të Drejtat e Njeriut Neni 25
1.Gjithkush ka të drejtë për një nivel jetese të mjaftueshëme i cili t’i përgjigjet
shëndetit dhe jetës së përshtatshme si të atij personalisht, ashtu edhe të familjes së
tij, duke përfshirë ushqimin, veshmbathjen, banesën, kujdesin mjeksor dhe
shërbimet e nevojshme sociale, si edhe të drejtën për të qenë i siguruar në rast
sëmundjeje, papunësie, vejanie, pleqërie dhe raste të tjera të humbjeve të mjeteve
për jetesë për shkak të rrethanave të pavarura nga vullneti i tij.
2. Nënat dhe fëmijët kanë nevojë për kujdes dhe ndihmë të posaçme. Të gjithë fëmijët,
të lindur brenda ose jashtë martese, gëzojnë të njëjtat mbrojtje sociale.
Ps. Më 14 dhjetor të vitit 1955, Shqipëria eshte bere anetare e Organizatës së Kombeve të Bashkuara ( OKB)
2. Shkelen hapur nenet 41 e 42 të Kushtetutës se Republikes se Shqiperise.
3. Shkelet hapur nenin 1 të protokollit 1 shtesë Konventës Evropiane të të Drejtave të Njeriut,
Neni 1 garanton të drejtën e gëzimit paqësor të sendeve në pronësi. Kjo e drejtë është e aplikueshme mbi pronësinë e tokës, të sendeve materialë dhe të sendeve jo-materialë, si pronësia intelektuale.
4. Si dhe të paktën 20 vendime të Gjykatës Evropiane të cilat sanksionojnë paprekshmërinë e pronës si e drejtë themelore e njeriut.
Redaksia online
zeripopullit.al
