LETËR HISTORIKE, drejtuar, Z.Nesim Spahiut, kryetarit të bashkisë së Skraparit

Nga : Asqeri Diko

I nderuar , z .Nesim Spahiu .Qofshi mirë familjarisht dhe me punët shtetërore .

Sot .më 16.11.2018. kur na ndajnë dhe 12 ditë nga 106 – vjetori i Shpalljes së Pavarësisë dhe 74 – vjetori i Çlirimit të Atdheut , po u shkruaj dy radhë Historike . Nga koha që biseduam, ,më 09.09.2018,për problemin e vlerësimit të figurës së shquar , jo vetëm të Zaloshnjes e të Skraparit,por të Shqipërisë, Servet Asllan Zaloshnja,ju ende nuk më kini shkruar një gërmë,për ato që folëm atë ditë.

Biseda jonë u përqëndrua tek ndryshimi i emrit të shkollës së Zaloshnjes,nga “Xhevahir Sula”, në “Servet Asllan Zaloshnja . Ju midis të tjerave,më thatë se “ ky ndryshim,nuk është në kopetencën time,të bashkisë dhe për këtë do të të pyes dhe do të sqaroj.” Deri në këto minuta të kësaj date,asnjë njoftim nuk ke dërguar .Po mos harro,se unë e saktësova në bashkinë e Fierit dhe të Tiranës . Bashkia e Fierit,ku Serveti ka punuar në disa detyra shtetërore në atë Nënprefekturë dhe që e kanë vlerësuar figurën e Servetit,vite më parë, kur unë bëra letërkëmbim me z,Baftjar Zeqaj, në 06 . 12.2013 . , më shkruan,” Persa i perket pyetjes se pare per ndryshimin e emrit te shkolles, kompetence e ka Keshilli i Bashkise “

Ju,më thatë atë ditë ndryshe .Mos vallë qeveria , tjetër ligj ka për këtë problem,për bashkinë që ju drejtoni ? Më vjen shumë keq që më dhatë këtë përgjigje dredharake . Folëm e folëm ,për ta vendosur emrin e Servetit në piedestalin e Historisë, që emri i shkollës 9- vjeçare në vendlindjen time të paharruar,Zaloshnjen e burrave të Atdhet, ta ketë emrin e TIJ , se ai qe mësuesi i parë që e hapi shkollën në shtëpinë e tij ,në dhomën e madhe , që nga viti :1900 e deri në vitin 1925,sigurisht , me nderprerje se ishte kohë lufte.Me kujdesin e tij,u dergua në vitin 1925 mësues, Petref Therepeli e të tjerë me radhë.. Ai ka një veprimtari të gjatë për këtë punë,jo vetëm si mësues që u dha zaloshnjarëve, tomorricarëve, skraparasve , që vinin dhe nga Potomi,por ai , në dokumentet e kohës që kam gjetur,ishte dhe mësuesi i : Sulovës, Gramshit, Kukurit,Ermenjit e deri në Dushar, Mallakastër ,Berat ,etj.Dhe luftonte,duke i ngritur këto zona në luftë kundër turqëve dhe u mësonte gërmat e alfabetit shqip.

Ju nuk e njihni aspak figurën e tij,prandaj thellohuni, ju lutem , z.Nesim,që të paktën të mësoni dy fjalë për veprimtarinë e tij arsimore , si ish nxënësi i gjimnazit turk në Berat në atë kohë. Jemi në një muaj me rëndësi historike .

Kanë kaluar 87-vjet nga dita që zemra e tij nuk regëtiu më. Më 15 tetor 1931 ai vdiq dhe u varros në Verbas të Fierit,me nderimet më të mëdha të kohës. Qeveria jonë nderoi Mithat bej Frashërin , këto ditë ,por mos vallë Servet Zaloshnja është më pak i shquar se ai ? Serveti,nuk vlerësohet nga hija e të tjerëve ,por me punën e tij atdhetare .

Jo,or jo, z.kryetar . Ai i mësoi njerëzit dhe luftoi me turqit në jug të Atdheut , me çetat e tij dhe me Mahmutin ,zaloshnjarët dhe skraparasit, beratasit ,tomoricarët,mallakastriotët….Tomorica u ngrit në këmbë deri në Gramsh, Dushar ,Tepelenë,Gjirokastër,në malin e Sinjës…me Servetin e madh….

Dhe ende,edhe pse unë kam disa vite që po e kërkoj me ngulm, këtë çështje historike,vendi i kësaj figure, nuk po ngrihet në piedestalin e HISTORISË RILINDËSE .

Turp Historik ! Ende ai nuk njihet si duhet në Skrapar,por dhe në historinë e Shqipërisë, për jetën e tij shembullore atdhetare .Edhe mësusi i parë i fshatit, Tomoricës e më gjerë,por dhe si komandant i stërvitur i formimit të çetave kryengritëse ,kundër hordhive osmane .

Ju dhe Skrapari po dhe Ardheu, duhet ta nderoni këtë figurë të shquar dhe jo ta lëmë këtë rilindës të shquar,një HUMBES TË KOHËS .Është mangësi HISTORIKE,që ai nuk vlerësohet . Nuk duhet të shprehemi,siç shprehen disa :” T”ia lëm kohës këtë vlerësim …”

Sa çudi dhe marrëzi Historike ?!. Po cilës KOHË ? Edhe sa kohë ,na u dashkan ta vlerësojmë ? Na duhen kur ai të mbushi 1 shekull të vdekjes së tij ????!! I nderuar,z.Nesim ,Spahiu ! Unë e kam shprehur dhe më parë që data 28 NËNTOR 2018, ta gjej shkollën 9-vjeçare të Zaloshnjes , me emrin e TIJ : Shkolla 9- vjeçare,”SERVET ASLLAN ZALOSHNJA:”

U kam derguar mesazh më parë,por asnjë përgjigje nga bashkia . Më vjen shuumë keq.Disa mesazhe , me karakter historik ,u kam derguar,por mesazhet e mia nuk lexohen . Kjo është mangësi e fatkeqësi e atyre punonjësve ,që i shikojnë mesazhet dhe nuk shkruajnë asgjë . Ne biseduam të dy atë datë për këto mesazhe.

Kjo është disiplina shtetërore ? Më vjen shumë keq . Shikojini se çfarë kam shkruar.Ku ështe sekretari a sekretarja,apo kush i ndjek këto punë ? Vendimi i asaj bashkie,për vendosjen në piedestalin e NDERIT,të emrit e Veprës së tij,si përçuesi i veprimtarisë atdhetare,të Rilindësve,të udhëhequr nga i madhi, rilindësi Abdyl Frashëri, për Përhapjen e GJUHËS ShQIPE në Shqipëri, do të jetë nder,jo vetëm për bashkinë që ju z.kryetar udhëhiqni,por do të jetë NDER dhe për Atdheun, në pragun e Festave të Pavarësisë e të Çlirimit të Shqipërisë .

Do të ishte madhështore,nëse ju, me ekipin tuaj drejtues të asaj bashkie,të vini vetë në Zaloshnjen e Historisë SHEKULLORE në datën 28 Nëntor a disa ditë më parë dhe para populit të vendlindjes time të paharruar,të vendosnit pllakën e PËRJETËSISË ,në ballë të shkollës,me emrin e tij : Shkolla 9- vjeçare:”SERVET ASLLAN ZALOSHNJA.” Kështu,shkolla do të ndriçonte dhe Zaloshnja ime dhe e atij populli,do të shkëlqente,ashtu siç ndritën gërmat shqipe në shtëpinë e Servetit,me ABETAREN SHQIPE,që ai përdori ,kur e hapi shkollën me dashuri e krenari,së bashku me Mahmut arsimdashësin ,në 10 maj 1909.

Fatkeqësisht ,kjo ABETARE,u zhduk në muzeun e Çorovodës dhe shuuuuuuuuumë dokumente të tjera,të dorëzuara nga i paharruari Neki Sula dhe djali i Servetit,Bardhyl Zaloshnja dhe ky me djalin etij,me emrin e Servetit të ri , në vitin 1974 . Dokumentet u zhdukën nga Bardhyl Ylli, ish drejtori i muzeut , sipas letrës së djalit të Servetit,Bardhylit,që ka punuar si financier dhe përgjegjës i Financës në ish komitetin ekzekutiv të Skraparit.

Së fundiz, z.Nesim Spahiu. Le të jetë ky mesazhi im apo kjo letër HISTORIKE e imja,drejtur zotërisë tuaj, një vlerësim përfundimtar ,për vendosjen e emrit të mësuesit të parë të fshatit të Zaloshnjes e më gjerë, shkollës së atij populli të vendlindjes së tij Historike. : “Servet Asllan Zaloshnja. “Emri i dëshmorit, Xhevahir Isa Sula, qëndron në Lapidarin e “NËNËS SHQIPËRI ” dhe nuk ka të bëj aspak me emrin e asaj shkolle. Nuk duhet të ngatërroheshin gjërat vite më parë,nga një emër i një dëshmori.Fshati e kishte mësuesin e tij të parë . Dhe nëse duhej patjetër një emër dëshmori,kishte të tjerë dëshmorë Zaloshnja,që kishin një veprimtari shembullore dhe të guximshme luftarake .Radhitja do të ishte kjo :1.Veri Veli Zaloshnja.2.Sako Agush Shimi. 3.Kasëm Hodo Sojati . 4.Xhevit Sula ….

Kështu,z,kryetar, ne i nderojmë të dy figurat që punuan e luftuan për Shqipërinë. Ai ose ata njerëz që nuk e kuptojnë idenë time sot,do ta kuptojnë shumë shpejt dhe mua do t”më japin të drejtën e vlerësimit tim Historik .

Rëndësia : Ta vlerësojmë figurën e Historisë së Shqipërisë,Servet Asllan Zaloshnja,në datat festive të 28- 29 Nëntorit 2018 . Ky është hapi i Parë.Pastaj bashkia ,ka të drejtën e saj ,ta vlerësoj Servetin me të tjera dekorata ,sipas ligjeve shtetërore .

Zaloshnja,duhet të shpallet : ”Nderi i Kombit”,siç është dekoruar rrethi i Kuksit ,nga ish presidenti,Bujar Nishani .

Ju përshëndes nga Turqia,me ngrohtësinë e Vendlindjes time – SKRAPARIT të SHTRËNGATAVE të HISTORISË së KUQE ! Stamboll,më 16. 11,2018,ora 15:25 minuta me orën turke .