Një aksident i rëndë ndodhi pasditen e kësaj të premte në aksin Koplik Shkodër
Burime për Top Channel bëjnë me dije se punonjësi i policisë, shtetasi Gjergj Gjeloshi, duke drejtuar autoveturën “Fiat” me targa AB 758 BP, ka përplasur për vdekje Aglim Shkambaj, 59 vjec, i cili po udhëtonte me biçikletë.
Ky i fundit u dërgua fillimisht në Spital, por fatkeqësisht nuk ka mundur t’i mbijetojë plagëve të marra.
Në vendin e ngjarjes ka mbërritur grupi hetimor, i cili është duke punuar për zbardhjen e plotë të shkaqeve të ngjarjes.
Aksi ne fjalë mbetet një nga më problematikët ne vend, për shkak te aksidenteve te shumta gjatë gjithë vitit.
Shkodër/Informacion Paraprak
Më datë 29.01.2021, rreth orës 17:30, në aksin rrugor Koplik – Shkodër, në fshatin Shtoj i Ri, Shkodër, automjeti tip “Fiat” që drejtohej nga shtetasi Gj. Gj. 26 vjeç, ka goditur shtetasin A. Sh. 49 vjeç, i cili lëvizte me biçikletë. Shtetasi A.Sh është dërguar në Spitalin Rajonal Shkodër dhe me pas ka ndërruar jetë si pasojë e plagëve të marra.
Drejtuesi i mjetit shtetasi Gj.Gj është shoqëruar në ambientet e DVP Shkodër për veprime të mëtejshme
Veprimet po kryhen me grup hetimor nën drejtimin e Prokurorisë së Rrethit Gjyqësor Shkodër, për sqarimin e rrethanave të aksidentit
