Big Brother 9 hapi zyrtarisht dyert, në një edicion më të kompletuar dhe me më shumë surpriza. Për ta lajmëruar këtë u organizua një takim që bëri bashkë ish-konkurrentë dhe fitues të edicioneve të shkuara, stafin e Big Brother, ndjekës dhe gazetarë që e kanë përcjellë hap pas hapi këtë spektakël që në krye të herës.
“Këtë vit është një skuadër tërësisht e re që e bën për herë të parë Big Brotherin, por që jam e sigurtë që falë profesionalizmit që i karakterizon, do t’ja dalin që të bëjnë një spektakël të shkëlqyer. Jam e sigurtë për këtë!”, thotë moderatorja, Arbana Osmani.
Së bashku me të do të fillojë edhe Fun Club nën moderimin e Albana Osmanit dhe në rolin e opinionistit me Olti Currin, çdo të dielë në orën 13-15.
“Do të vazhdojë të përsëritet historia, por e përmirësuar, sepse të gjithë jemi të mobilizuar për të patur një sukses edhe më të madh këtë edicion”, u shpreh Albana Osmani.
“Do të përpiqem që të jetë ende Big Brother në atë shikueshmëri që ka qenë në të dyja matjet. Sfida ime është spektakolare, por edhe komerciale”, thotë Olti Curri.
Por ky edicion plotësohet me një program satirik, i stilit radiofonik, Big Bastards, menjëherë pas spektaklit të madh të së shtunës.
“Arbana do të merret me ata të shtëpisë, Olti Curri do të merret me ata të shtëpisë. Ne do të merremi me Arbanën, Albanën, Olti Currin dhe ata të shtëpisë.
Surprizat pritet të zbulohen së shpejti në ekranin e Top Channel. Duke filluar nga 18 marsi Big Brother do të vëzhgojë!
