Blogu i gazetares Iva Tiço “Blogu i një vajze single, ose aty rrotull”, me artikullin “Pse burrat zgjedhin bibat?! (dhe s’kanë faj fareeeee)”ka shënuar rekord klikimesh në këtë fundjavë.
Mesazhe e shumë komente të cilat i kuptojmë edhe për ndjeshmërinë që mund të krijojë një artikull i tillë tek femrat, deri tek Sadije Berisha e cila gjithashtu dje pati një reagim në Facebook duke lënë të kuptohej hapur se kishte gjetur veten më shumë se kushdo tjetër në atë artikull.
Blogu i Ivës trajton tema të ndryshme të marrëdhënies mashkull-femër, por edhe për marrëdhëniet mes shoqeve ka qenë që në kohën kur botohej tek MAPO dhe sot e kësaj dite një blog urban larg hipokrizive dhe simpatinë e njerëzve e ka marrë se i takon.
Në lumin e komenteve rreth këtij artikulli portali Tirana Post ka publikuar sot një email të një vajze. Ajo quhet Albina dhe ka një mesazh për femrat e zgjuara, punëtore në karrierë, të zonjat që si preferojnë burrat.
***
Shkrimi i Albinës
Më duhet ta pranoj se që në momentin e parë që lexova titullin e artikullit, pata një hezitim të madh nga ana ime për të klikuar ose jo. Dhe në fakt nuk klikova, por vazhdova me poshtë dhe u ndesha përsëri me disa shpërndarje të këtij artikulli nga miqtë e shumtë në facebook. Si përfundim, kurioziteti me mundi dhe klikova për të lexuar këtë artikull kaq shumë të diskutuar. Mbarova se lexuari. Ndjenja konfuze me pushtuan pasi nuk isha fare e sigurt për mesazhin që supozohej të përcillte ky shkrim: se të gjitha femrat e zgjuara, punëtore, nena, shtëpiake apo në karrierë, partnere të një mashkulli tipik (që pëlqen futbollin dhe ka mikun e tij më të mirë një qen) qenkan viktima të këtyre femrave biba pasi nuk kanë mungese intelekti dhe nuk rrinë gjithë ditën në parukeri dhe klinika estetike?? Kërkesa e llogarisë ndaj partnerit ndërkohë që biba i ofron vetëm rehati qenka shkak i debateve dhe pikërisht kjo çarje koke e lodh partnerin në fjale dhe e bën të largohet prej saj etj etj.
E vetmja gjë që ky artikull me përcolli mua ishte një ndjenjë inferioriteti për femrat(të gjitha) dhe kategorizim i tyre (në biba ose jo). E kuptoj unë shumë mirë se ka femra pafund që e gjejnë veten këtu për shkak të historive dhe përjetimeve të tyre personale. Por ajo që më ngre nervat me tepër është se flitet e sterilitet për femrat, por në asnjë moment nuk kam lexuar ky mashkulli tipik ku hyn këtu? Atë rolin e tij të them të drejtën nuk e kuptova fare se ky artikull realisht më bëri të më vije keq që jam femër. Pse do thoni ju? Sepse sipas këtij artikulli ne (femrat) jemi vërtet viktima. Jemi viktima në një lufte gjinish që nga ekzistenca njerëzore. Shumë e qartë dhe në artikull: luftën e bën femra ndaj femrës pasi vetvetiu fajin e ka vetëm femra që nuk kujdeset për vete, që i çan dërrasat burrit dhe që kjo biba është streha e tij dhe me të nuk fiton dot. Ndërkohë ky partneri tipik ka për detyre vetëm të zgjedhe me cilën do rrijë(ndërsa femrat vazhdojnë luftojnë). Ja pra ku dua atë dal: që kjo femra gjithë virtyte pret të ‘’zgjidhet’’ nga mashkulli dhe biba qenka fajtorja e vetme për “humbjen” e saj.
Të dashura femra: Humbja e vërtetë në këtë mes është juaja vetëm në qofte se ju vendosni kështu, sepse një partner që nuk është i denje, më mirë të largohet e të shkojë pranë kujtdo femre tjetër sesa të behet refren këngë të trishtuar. Për aq kohe sa dashuria juaj, përkushtimi dhe besnikëria juaj për të nuk kane asnjë vlerë, më mirë të shkojë e të behet fatkeqësia e dikujt tjetër. Unë refuzoj të jetoj në një botë ku këta meshkuj tipke kanë të drejtën të zgjedhin dhe këto femra të mira e gjithë virtyte mbeten në pritje të tij e bëhen rivale të padenja të pjesës tjetër femërore (bibave).
Ndjese ndaj kujtdo femre që ka gjetur veten tek artikulli I Ivës dhe që nuk pajtohet me mendimin tim- ju respektoj pafund dhe e kuptoj dhimbjen dhe mundimin tuaj, por nuk ju fal në qoftë se ju ndiheni fajtore që ai iku. Ai është burracak se nuk ia doli me ju; ju bëhuni burrnesha e mos e ulni kokën.
‘’No man is good enough to govern any woman without her consent.’’ Susan B. Anthony
