Në një intervistë për DITA duke folur për 22 marsin e vitit 1992, Izet Haxhia thotë se “çdo gjë u bë sipas skemës së përgatitur në dhjetor dhe vulosur në Trieste në shkurt 1992”.

“Pushteti që nuk mund të mbahej më nga ata që e mbajtën për 45 vjet, iu dorëzua me marrëveshje, nxënësit të tyre besnik që me anë të dhjetëra zvarritjeve e lëpirjeve, kishte arritur të depërtonte në bunkerin e Bllokut. Por shumë shpejt u pa që nxënësi i ardhur nga Viçidoli në Tiranë me një valixhe druri ua kaloi edhe ustallarëve në zellin për pushtet e tirani” – thotë ish-truproja e familjes Berisha deri në 1997.

Duke komentuar PD-në e sotme futur në një çadër, ndërsa e quan Berishën “shpresë-vrasësi” kurse Bashën “kopja e tij e shëmtuar” Haxhia që jeton në Turqi, thotë:

“Ka një shprehje që e përdorin turqit, pak banale (të më falni), por që i përshtatet gjendjes ku e ka katandisur PD-në shpresë-vrasësi: po të hyri çadra në b…. mos e hap. Dhe lideri shpresëvrasës pasi ia futi çadrën kopjes së vet të shëmtuar, jo vetëm që nuk ia hoqi, por edhe ia hapi. Kandidati për kryeministër duke u përpëlitur nga dhimbjet e ndjenjat që i jep çadra e hapur, nuk po di si ta mbyllë e ta heqë këtë çadër nga aty ku ia kanë futur”.

Në intervistë preket edhe tema e të ashtuquajturve mocionistë të PD-së, të larguar dikur nga ajo dhe të rikthyer te Berisha më pas për poste:

“Të gjitha pazaret e Berishës me këta mocionistë i ka ndërmjetësuar Preç Zogaj, ish-bashkëpunëtor i Sigurimit dhe i Asfalisë greke. ua të shtoj këtu edhe një fakt te paditur që pajtimi mes Berishës dhe antishqiptarit Nikolas Gejxh është bërë me ndërmjetësimin e Zogajt” – thotë Haxhia në intervistën me gazetarin Erion Habilaj botuar sot në DITA