Ambasada amerikanë dje e mbylli qarkun e politikës shqiptare antireformë: “ata që nuk hyjnë në parlament për të votuar vetingun dhe Reformën në Drejtësi, janë anti-amerikanë” – tha ajo.Kurse Lulzim Basha u kthye nga
Amerika po me këtë qëndrim amerikan.
Asgjë më shumë sesa të votojnë vetingun dhe të futen në zgjedhje.
Nuk është kjo kohë për shantazhime fëminore anti-amerikane.
Është naivitet politik, sepse nuk mund të bllokohet dot aleanca shqiptaro-amerikane, edhe pse atë sot nuk e pranojnë në Athinë, në Beograd apo në Moskë.
Eshtë e humbur. Nuk ka tërheqje nga politika amerikane, sepse politika është interes.
Kurse shqiptarët janë aleatët kryesorë në këtë politikë.
Ripozicionimi i shqiptarëve kundrejt historisë së re të Ballkanit është kushti aktual i politikës perëndimore.
Kjo është arsyeja që një politikë antishqiptare dhe pro shovinizmit të fqinjëve, nuk funksionon më në Shqipëri: Saliun nuk e shpëtoi dot as shitja e Himarës, as shitja e detit dhe as kriza e Shkupit.
Destinacioni për korrupsionin shqiptar, është largimi i tij.
Të gjithë rrugët e tjera e rëndojnë më tepër pozitën e të korruptuarëve që pritet të hyjnë në procesin penal.
Rezistenca e korrupsionit në Shqipëri nuk formoi dot sistem – kjo ishte dobësia e saj parësore. Ajo duket së është thjesht një luftë kaçakësh që mendoi se mund të zbythte politikën amerikane në favor të Moskës, me intrigat fëminore të saj brenda Shqipërisë.
Kjo sot është politikë naive , dhe duket e tillë sepse i ka kaluar koha: në funksion të aleancës shqiptaro-amerikane, pushteti në Tiranë nuk kalon dot më nëpërmjet shitjes së intetesit shqiptar në Beograd, Athinë apo në Moske.
This is the end… Ky ishte fundi.
