Deklarata e papritur e Metës: Kjo është data kur duhen bërë zgjedhjet. Ja çfarë është "Qeveria e Besimit"
Kreu i LSI-së, Ilir Meta, ka shpjeguar se çfarë nënkupton me “Qeveri Besimi” të propozuar për t’i dhënë fund krizës politike në vend, duke shpjeguar se kryeministër i saj mund të jetë edhe Edi Rama, nëse jep garanci për opozitën.
Gjatë intervistës me gazetarin Dritan Hila në emisionin “Arena”, Meta ka deklaruar se është për mbajtjen e zgjedhjeve në datën 18 qershor, por për kreun e Kuvendit, më tepër rëndësi sesa data ka pjesëmarrja e opozitës në zgjedhje.
Ju kërkoni zgjedhje me opozitën sepse duhet të ketë një qeveri besimi, apo si kryerar kuvendit keni më pak përgjegjësi apo doni të bëheni kryeministër.
Meta: Unë dua t’ju them se pavarësisht nga ekzagjerimet e opozitës dhe mund të jetë e vërtetë që përfaqësues të mazhorancës janë habitur nga qëndrimi, por në cdo rast unë mendoj se edhe opozita nuk ka qenë e përgatitur sepse nuk kemi një përgjigje të qartë për cështjen e dialogut. Shpresoj që sa më shpejt të ketë një strukturë të këtij dialogu.
Qeveri besimi nuk do të thotë që të ikë kjo qeveri dhe të vijë një tjetër,. Nëse kjo qeveri jep garanci për opozitën, kjo është një cështje…
Me kryeministër Ramën?
Meta: Patjetër! Shqetësimi im ka qenë se retorika nuk ka qenë ndihmuese. Secili ka mbajtur qëndrimin e vet. Pra dicka që nuk sjell pikë takimi, por vret kohën drejt një konflikti apo drejt një krizë dhe në këtë drejtim ne duhet të kemi këtë dialog. Ajo që është e vërtetë është se opozita e ka pasur të panegociueshme votimin elektronik, sepse i donte si garanci që këto cështje të merrnin një zgjidhje dhe i është premtuar nga ana ime, por edhe nga faktori ndërkombëtar i është thënë që do ti shohim të gjitha, por të shohim këto cështje të tjera. Tani më e rëndësishmja është të shpëtojmë zgjedhjet.
Unë mendoj që duhet të bëhen të gjitha përpjekjet që zgjedhjet të jenë në 18 qershor. Më e rëndësishme sesa data e zgjedhjeve është që të jenë të gjithëpranuara dhe të bëhen me gjithë opozitën.
