Kukësi nuk ia doli që të mundë në “Zeqir Ymeri” Vllazninë duke humbur në këtë mënyrë kryesimin e kampionatit që e mbante prej kohësh. Por pas ndeshjes klubi verilindor duket se ka gjetur ‘fajtorin’ për mos arritjen e 3 pikëshit, gjyqtarin Andi Koçi. Në një deklaratë të publikuar në faqen zyrtare, klubi shpjegoi se ky gjyqtar kishte dhënë vendime kundër tyre dhe e akuzoi për “prirje të dukshme kundër verilindorëve”.
Deklarata e klubit
Pasi pamë me kujdes edhe në video ndeshjen që Kukësi zhvilloi sot kundër Vllaznisë, klubi shprehet shumë i indinjuar me gjykimin tendencioz të gjyqtarit Andi Koçi. Ky i fundit, me papërgjegjshmëri të plotë dhe mungesë profesionalizmi, sot na mohoi një penallti të pastër, të cilën moviola pas takimit e përcaktoi krejtësisht të rregullt. Të gjithë e panë qartë 11-metërshin e mohuar ndaj nesh, përveç këtij gjyqtari.Theksojmë se penalltia e Eminit në minutën 22′ nuk është i vetmi rast ku gjyqtari vendosi kundër Kukësit. Në të 25′ Pejiç u konsiderua në pozicion jashtë loje, por ky episod është mjaft i dyshimtë. Në pjesën e dytë, në të 56′ u anulua një gol i diskutueshëm i kroatit, teksa në të 65′ faulli i Eminit nuk ishte jashtë zone, por brenda saj, krejt ndryshe nga ajo që u vendos nga Koçi. E gjitha kjo panoramë tregon se ky gjyqtar nuk është serioz dhe ka një prirje të dukshme kundër verilindorëve.Kjo nuk është hera e parë që Koçi ka një sjellje të tillë ndaj klubit tonë dhe për këtë arsye e shpallim “non grata” për të gjitha ndeshjet e mbetura, brenda dhe jashtë fushe, në këtë sezon futbollistik. Këtë kërkesë do t’ua dërgojmë Komisionit të Arbitrimit dhe Federatës Shqiptare të Futbollit.
Pasi pamë me kujdes edhe në video ndeshjen që Kukësi zhvilloi sot kundër Vllaznisë, klubi shprehet shumë i indinjuar me gjykimin tendencioz të gjyqtarit Andi Koçi. Ky i fundit, me papërgjegjshmëri të plotë dhe mungesë profesionalizmi, sot na mohoi një penallti të pastër, të cilën moviola pas takimit e përcaktoi krejtësisht të rregullt. Të gjithë e panë qartë 11-metërshin e mohuar ndaj nesh, përveç këtij gjyqtari.Theksojmë se penalltia e Eminit në minutën 22′ nuk është i vetmi rast ku gjyqtari vendosi kundër Kukësit. Në të 25′ Pejiç u konsiderua në pozicion jashtë loje, por ky episod është mjaft i dyshimtë. Në pjesën e dytë, në të 56′ u anulua një gol i diskutueshëm i kroatit, teksa në të 65′ faulli i Eminit nuk ishte jashtë zone, por brenda saj, krejt ndryshe nga ajo që u vendos nga Koçi. E gjitha kjo panoramë tregon se ky gjyqtar nuk është serioz dhe ka një prirje të dukshme kundër verilindorëve.Kjo nuk është hera e parë që Koçi ka një sjellje të tillë ndaj klubit tonë dhe për këtë arsye e shpallim “non grata” për të gjitha ndeshjet e mbetura, brenda dhe jashtë fushe, në këtë sezon futbollistik. Këtë kërkesë do t’ua dërgojmë Komisionit të Arbitrimit dhe Federatës Shqiptare të Futbollit.
