Zona 51. Është institucioni më i famshëm ushtarak në botë që zyrtarisht nuk ekziston. Në qoftë se do të ekzistonte, ai do të gjendet rreth 100 milje jashtë Las Vegas në shkretëtirën e Nevadës, mbërthyer midis një baze të forcave ajrore dhe një vendi testimesh bërthamorë tashmë të braktisur.
Pra, çfarë mund të thuhet për ato legjenda urbane – UFO të studiuar në fshehtësi, tunele të nëndheshme që lidhin objektet e fshehtë? Për dekada me radhë, njerëzit në Zonën 51 menduan se do t’i merrnin me vete në varr sekretet e tyre. Në kulmin e Luftës së Ftohtë, ato kultivonin anonimatin, ndërkohë që ndiqnin disa nga projektet më të fshehtë të vendit. Teoritë konspirative iu lanë imagjinatës popullore. Por kur flasim me Collins, Lovick, Slater, Barnes dhe Martin, është e qartë se shumica e folklorit nxitej nga fakte reale
Annie Jacobsen
Qeveria amerikane nuk pranon të flasë. Nuk mund të afrohesh me makinë pranë kësaj Zone, dhe deri kohët e fundit, hapësira ajrore mbi të ishte e kufizuar – deri në hapësirën jashtë atmosferës. Çdo përmendje e Zonës 51 redaktohet nga dokumentet zyrtare, madje edhe ato që janë deklasifikuar prej dekadash tashmë. Ajo është bërë Grali i Shenjtë për ata që merren me teori konspirative, me UFOlogët që thonë se ndërtohen mjete kundër disqeve fluturues dhe se Pentagoni mban qenieve jashtëtokësore të ruajtura në gjendje të ngrirë. Legjendë urbane thotë se Zona 51 është e lidhur nga tunelet nëntokësore dhe trena me objektet e tjera sekrete nëpër Amerikë. Në vitin 2001, Katie Couric tha se 7 për qind e amerikanëve kanë dyshime mbi uljen në Hënë – ata mendojnë se filmimet janë realizuar në shkretëtirën e Nevadas. Miliona fansa të X-Files besojnë se vërtetë mund të jetë “atje”, por më shumë të ngjarë ka që të jetë fshehur brenda hangarëve të Zonës 51 – ndërtesa që, edhe pse konfirmohen nga Google Earth, qeveria refuzon t’i pranojë.
Problemi është se mitet e Zonës 51 janë të vështirë për t’u diskutuar në qoftë se askush nuk mund të flasë për atë që ka ndodhur atje. Por dikush është i gatshëm për të folur – në fakt, janë pesë burra, dhe tregimet e tyre rivalizojnë edhe thashethemet më të egër. Kolonel Hugh “Slip” Slater, 87 vjeç, ishte komandant i bazës së Zonës 51 në 1960. Edward Lovick, 90, kaloi tre dekada duke bërë testime me radarë të disa prej avionëve më të famshëm në botë (përfshirë U-2, A-12 dhe F-117). Kenneth Collins, 80 vjeç, një pilot eksperimental testimesh të CIA-s, ka marrë medaljen e Yllit të Argjendtë. Thornton “T.D.” Barnes, 72, ishte një inxhinier projektimesh në Zonën 51. Dhe Harry Martin, 77 vjeç, ishte një nga njerëzit përgjegjës për furnizimin me gjysmë milionë gallonë në muaj të avinëve spiunë.ja rrëfimet e tyre që hedhin dritë mbi një prej mistereve më të qëndrueshëm…
