E bukur, e hijshme, e vogël në moshë, e madhe në ëndrra adoleshentja Blerta Pepa qendronte e heshtur ne shtratin e vdekjes. Nuk qante askush, askush nuk i qendronte prane ti kendonte kujen e vajtimit. As sy me lote nuk dukeshin gjekundi, as klithma vojticash, as brenge largimi nuk ndjehej gjekundi. Heshtje makabre kishte plakosur shtepine, spitalin, rrugen, lagjen, qytetin, zonen, atdheun. Te gjithe e kishin marre vesh qe Blerta kish vdekur por askush nuk dufonte nga vdekja tragjike e nje engjelli te pafajshem. Blerta qendronte e shtrire me syte mbyllur por me shpirtin qe ia gerryente kureshtja e vetmise.
-Ku jane njerezit, ku jane shoqet, shoket, komshinjte, mesuesit, te afermit?
I madh e i vogel, i varfer e I pasur, malesore e jugore, gra dhe burra, femije e te rritur prisnin plot ankth. Prisnin si Penelopat e dermuara nga koha qe dukej por kurre s’afrohej. Prisnin plot ankth jo se Blerta mund te ngjallej e te kendonte perseri por prisnin, e prisnin ata te dy. Jo shume larg shtratit ku gjendej e vdekur nje vogelushe, dy burra (burra u thençin) qendronin me bythe mbi kolltuket e nje zyre shtetari dhe te dy bashke si tutoret e kurvave modave ndanin zonat e influences dhe llogarisnin plaçken qe do benin muajt e ardhshem.
Blerta Pepa e vdekur priste qe te gjallet ta qanin e ta varrosnin, te gjallet prisnin me ankth takimin e dy somnambuleve qe na vine verdalle ne jetet tona. Blerta Pepa e vdekur prej makuterise se rrobit priste ta qanin e ta fusnin ne dhé te gjallet, te gjallet ishin futur vete nen dhé nga meraku sesi do dilte takimi i dy somnambuleve qe e vdesin perdite Shqiperine…
Diten tjeter me ne fund Blerten e cuan ne varreza dhe pasi e groposen e mbuluan e u larguan nderkohe Shqiperia u clirua nga takimi i sterzgjatur dhe pas ankthit filluan te bejne hesapet e plackitjes. Policine e kam une, ti ke doganat. Une po marr hipoteken, ti mbaj tatimet, ma jep mua arsimin dhe ti mbaj bujqesine, drejtesine merre ti ndersa une transportin atij. Po endrrat dhe shpresat kush do i marri?
Jepjani Blertes. Po, po endrrat dhe shpresen le ti marri Blerta. Ajo eshte e vdekur si endrrat tona, si shpresat tona, si e nesermja jone!!!
Nga Bledi Mane-Public Enemy/Skandal.al
