Asnjë ndryshim pozicioni për kombëtaren shqiptare të futbollit në renditjen e re të publikuar nga FIFA.
Edhe për klasifikimin e muajit maj, kuqezinjtë e Gianni De Biasit, vazhdojnë të mbajnë vendin e 66. Qëndrimi në vend numëro vjen për shkak se kuqezinjtë gjatë kësaj periudhe nuk kanë zhvilluar asnjë ndeshje zyrtare ose miqësore. Ndërkohë që stanjacioni ka karakterizuar edhe rivalët e grupit për Botërorin “Rusi 2018”.
Spanja qëndron në vendin e 10-të, ndërsa përsa i përket Italisë, të kaltërit mbajnë vendin e 12-të.
Një tjetër kundërshtarë i joni Maqedonia, ka humbur tre vende duke rrëshkitur nga vendi i 133 në të 136. Është përmirësuar ndjeshëm në klasifikim Izraeli, më të cilët Shqipëria do të ndeshet pas miqësores kundër Lukemburgut, ka parakaluar 8 vende duke u renditur i 55. Liheteshtejni ka lënë vendin e 189 dhe është pozicionuar në të 186. Sërish zbritje në tabelën e re të renditjes së FIFA-s për përfaqësuesen e Kosovës. Ekipi i Bunjakut nga vendi i 172 kanë zbritur një shkallë më poshtë në të 173-in.
Renditja botërore e organit më të lartë të botës së futbollit, qëndron po e njëjta edhe përsa i përket vendeve të para. Brazili është skuadra që udhëheq, menjëherë pas tyre vjen Argjentina, ndërsa në të tretin është Kombëtarja e Gjermane.
