Qarkullon një histori e vjetër, ndodhur në një zonë të Shqipërisë e që përdoret shpesh, për personat që kanë lënë bëma prapa, të cilat nuk u hiqen as pas vdekjes.
Një një dasmë, dhëndri me emrin “Hasan”, pordhi kur shkoi të merrte nusen. Për të mos prishur dasmën, të gjithë bënë sikur nuk e dëgjuan pordhën e dhëndrit dhe gjithçka, kaloi me heshtje.
Hasani çoi nusen në shtëpi, u bë ahengu, dasmorët ikën e ai filloi jetën normalisht, me mendimin, se pordha u harrua, por kur doli në fshat, filluan t’i flisnin “Hasan Pordha”.
Kaloi mëse 1 vit e me këtë emër, filluan t’i flisnin edhe kalamajt e fshatit, kryepleqësia, krushqia dhe gjithë zona, duke u bërë histori popullore.
Prej turpit, Hasani la gruan dhe djalin e porsa lindur e iku në emigracion.
Pas 25 vitesh, malli për fëmijën dhe meraku për prindërit, gruan e pasurinë, e detyroi të kthehej në shtëpi.
Në të hyrë të fshatit, dëgjoi që buçiste muzika e kënga dhe pyeti një djalë të ri: – Ç’është, ky aheng, or bir?
Bashkëfshatari që nuk e njihte, i tha: – Po bëhet dasëm o xhaxha, martohet djali i Hasan Pordhës!
E treguam këtë histori jo për të qeshur, por për të vënë “duart në kokë”, sa herë që Saliu me familjen, Lulzimi me “ushtarët” e PD dhe Iliri e Monika me Tit Vasilin dhe ish-ministrat “fekale” korrupsioni, dalin e flasin, flasin për varfërinë, ministra, kryebashkiakë e drejtorë hajdutë, për tendera e koncesione, për saraje, vila e biznese mafioze, për kriminelë në zyrat e shtetit, për pasuri gjigande të vëna me korrupsion etj.
Që banda e “Rilindjes”, ka lidhje me botën e krimit e punon me të dhe, që po vjedh masivisht e pa u ndalur, kjo duket përditë, me miliardat që Rama, Gjiknuri e Ahmetaj, po u japin oligarkëve të çdo ngjyre.
Mirëpo sikur nuk ngjit në popull, që hajdutëritë dhe krimet e bandës “Rama”, t’i “mallkojë” banda “Berisha, Basha, Metaj, Kryemadhi”, mbasi ulërimat e tyre kundër korrupsionit, janë si hungërimat e një “kopeje çakenjsh” që ka bërë kërdinë, kundër “kopesë” tjetër, që u ka marrë “thelën” (pushtetin).
Sali Berisha, bënë mirë që denoncon krimin e korrupsionin, por kanë kaluar 21 vjet nga masakra hajdutërore e piramidave dhe Berishës, i thonë akoma: “Sali Sudja”.
Kanë kaluar 10 vjet nga ngjarja tragjike e Gërdecit, por nuk harrohet dhe Berishës, vazhdojnë t’i thonë akoma: “Sali Gërdeci”
Kanë kaluar 7 vjet nga 4 vrajset e 21 janarit, por ajo masakër nuk harrohet dhe Berishës, vazhdojnë t’i thonë akoma: “Sali 21 janari”
Kanë kaluar 20 vjet nga vjedhja e floririt në Krrabë, por ajo hajdutëri nuk harohet dhe presidentit Ilir Metaj, vazhdojnë t’i thonë: “Like floriri”.
Kanë kaluar 7 vjet, nga skandali aferave korruptive, çfaqur me videon që publikoi ish ministri Dritan Prifti, por ajo ndyrësi shtetërore, nuk harrohet dhe pazarxhiun Ilir Metaj, vazhdojnë ta quajnë: “Ilir Blloku”.
Kështu do vazhdojë historia e “Hasan Pordhës”, duke mos harruar kryeministrin Rama, që ka filluar të thirret me nofkat, “Edi Check-up”-i, Shullazi, Xhuxhi, Avioni, Rrahmani, Kazinoja etj..
Edhe horrat e “rilindjes”, kur të dalin në opozitë, do bëjnë sikur nuk kanë qenë kurrë në pushtet e sikur, nuk kanë bërë asnjë zullum, por do ulërijnë kundër krimit e korrupsionit./ burimi : Pamfleti
