Prestigjiozja The Economist Espresso i ka kushtuar një artikull vendit tonë ku që në titull shkruan se Tirana po fluturon shumë lart në kuptimin që ka pësuar ndryshime thelbësore pozitivisht.
Marrë shkas nga sot, që është dita e Verës The Economist shkruan se kryeqyteti ballkanas, Tirana është modernizuar shumë dhe ka ecur shumë përpara. Sot tregu i ri i Tiranës u përurua duke zëvendësuar një treg të vjetër që kishte vite që nuk ndryshohej deri më sot. Ky ndryshim shkruan prestigjiozja, ishte pjesë e një plani të madh të rizhvillimit të mbikëqyrur nga kryetari i ri i qytetit, Erion Veliaj.
Edhe për sheshin Skenderbej shkruhet se është duke u kthyer në një zonë të madhe me ndryshime rrënjësore për të cilët punëtorët po nxitojnë për të përfunduar punën deri në muajin maj. Bulevardi i ri duhet të jetë gati deri në muajin qershor kohë kur do mbahen edhe zgjedhjet e përgjithshme. Economist vijon më tej duke thënë se qeveria socialiste në pushtet dhe kryebashkiaku Veliaj shpresojnë se projekti do ndihmojë për të bindur votuesit për tu dhënë atyre një mandat të dytë.
Por përpos kësaj, kthehemi në anën pak më të errët të kësaj ditë te bukur që nuk i ka shpëtuar as The Economist që shkruan se Opozita kërcënon të bojkotojë votimin duke u ankuar se qeveria ka bërë komplot me mafian. Gjithashtu opozita bojkoton parlamentin, duke zvarritur kështu reformat e rëndësishme gjyqësore që po na i kërkon edhe bota dhe kryesisht BE-ja ku kemi synimin të futemi sa më shpejt.
Pra për The Economist “Në Shqipëri kjo është një përplasje me të renë dhe të vjetrën: Tirana po bëhet një qytet shumë i këndshëm europian, por politika e vendit mbetet tradicionale si kurrë më parë”.
