Gjykata e drejtësisë e BE-së: Të ndalohen shamitë dhe objektet fetare në punë
Gjykata Evropiane e Drejtësisë ka vendosur që kompanitë të ndalojnë punonjësit që të mbajnë shaminë islame si pjesë e ndalimeve përfshirë simbolet e tjera fetare, kështu shkruan the Independent referuar lajmit tv publikuar nga Gjykata Europiane e Drejtësisë e cila nuk e quan diskriminim.
Është rasti i parë i këtij lloji në mes të një serie mosmarrëveshjesh ligjore mbi të drejtën për gratë muslimane që të veshin hixhabin në punë. Gjykata nuk e konsideron diskriminim të drepërdrejtë ndalimin e dukshëm të shenjave politike, politike, filozofike ose fetare.
Dy të punësuar në Belgjikë dhe Francë kishin dërguar çështjen në gjykatën europiane pasi u shkarkuan se refuzuan të hiqnin shaminë.
Gruaja belge kishte punuar si recepsioniste për një kompani G4S Save Solutions, e cila ka një ndalim të përgjithshëm mbi veshjen me simbole të dukshme fetare apo politike, ndërsa paditësja franceze është një konsulente IT që iu tha të heqte shaminë, pasi një klient u ankua.
Gjykata evropiane referoi çështjen më pas në Gjykatën franceze të Kasacionit për të vendosur nëse ky veprim ishte një “kërkesë të vërtetë dhe përcaktim profesional” dhe nëse ka pasur ndonjë rregull formal në vend që plotësohen kërkesat e jo-diskriminimit. Vendimi, i cili përcakton një precedent të gjerë të BE-së, erdhi një ditë përpara zgjedhjeve parlamentare të Holandës, të cilat janë të dominuara nga çështjet e integrimit dhe identitetit.
Ndalesat janë zbatuar në vende përfshirë Francën, Belgjikën dhe Bullgarinë, dhe janë duke u shqyrtuar edhe në Gjermani.
Përpjekjet e autoriteteve lokale në rivierën franceze për të ndaluar të ashtuquajturat “burkinis” veshur nga gratë myslimane dhe të vendosë gjoba gjeneroi në debat vitin e kaluar dhe që atëherë janë shfuqizuar nga gjykata.
