Sistemi arsmor i Finlandës konsiderohet si më i miri në botë, duke u renditur gjithmonë në 10 vendet e para në rang ndërkombëtar.
Finlanda zyrtarisht do të heq të gjitha lëndët mësimore nga kurrikula, duke bërë që mos të zhvillohen me lëndë si fizika, matematika, letërsia, historia apo gjeografia.
Drejtori i Departamentit të Edukimit në Helsinki, Marjo Kyllonen, shpjegoi ndryshimet:
“Ka shkolla që janë duke dhënë mësim sipas mënyrës së vjetër, e cila nuk po sjell më rezultate që nga fillimi i 1990-ës- por nevojat nuk janë njësoj, prandaj ne na duhet diçka që të përshtatet me shekullin e 21”.
Në vend të lëndëve individuale, studentët do të studiojnë ngjarjet dhe fenomenet në një format të ndërlidhur. Për shembull, Lufta Botërore do të studiohet në një perspektivë historike, gjeografike dhe matematike.
Sistemi do të aplikohet fillimisht tek niveli i lartë i studentëve, që fillon nga mosha 16 vjeçare dhe do jenë ata që do të zgjedhin se cilat ngjarje do të duan të studiojnë, nisur nga ambiciet që kanë për të ardhmen.
Ndryshime gjithashtu do të ketë edhe mënyra e komunikimit mësues-student. Studentët nuk do të qëndrojnë më pas bankës duke pritur rradhën për t’u përgjigjur por do të ndahen në grupe të vogla dhe do të punojnë së bashku.
Ky sistem i veçantë edukimi nxit punën në grup, jo vetëm të studentëve por edhe të mësuesve.
