Nga ushqyerja e pasur me fosfor dhe vitamina, e domosdoshme për Dashin, tek dieta e pasur me perime dhe e varfër në yndyrë, për Peshqit. Si të luftosh kilet e tepërta në bazë të këshillave të astrologëve
Dashi
Nevoja e vazhdueshme për energji kërkon një ushqyerje të shumëllojshme dhe të pasur me fosfor, magnez dhe vitamina D dhe C. Për të ruajtur linja të rregullta, të lindurit nën këtë shenjë duhet të ushqejnë edhe dëshirën për të lëvizur, pa lënë mënjanë pushimin që ndihmon në qetësimin e stresit.
Propozim menuje:
Mëngjesi: 100 g qumësht pjesërisht i skremuar, tërshërë, lëmg agrumesh të shtrydhura.
Dreka: 50 g oriz, 30 g djathë dhe një lugë vaj ulliri, sallatë mikse, agrume ose kivi.
Darka: 80 g djathë i pjekur, 150 g perime në avull me një lugë vaj ulliri dhe limon.
Demi
Është një shenjë shumë e ndjeshme ndaj ushqyerjes: të lindurit e kësaj periudhe kanë nevojë për vetëkontroll të vazhdueshëm për të ruajtur një formë të mirë fizike: thyerjet e rregullave janë të vazhdueshme dhe kontolli mbi peshore duhet të jetë i përditshëm. Një ndihmë e madhe do të ishte vetëm konsumi i mollëve për një ditë në javë.
Propozim menuje:
Mëngjesi: 100 g qumësht i skremuar, 1 lugë mjaltë, kafe.
Dreka: 50 g peshk i pjekur me vaj ulliri dhe limon, 1 patate e pjekur, 1 frut i freskët.
Darka: 1 porcion supë peshku ose perimesh dhe fruta stine.
Binjakët
Të lindurit e kësaj shenje kanë probleme me tretjen për shkak të nervozizmit. Për këtë arsye ushqyerja duhet të jetë e rregullt dhe e pasur me karbohidrate dhe vitamina B e C për të luftuar lodhjen dhe për të mbrojtur bronket. Kalimi i favorshëm i Saturnit e ul rrezikun e shëndoshjes, por është mirë të mos përfitosh nga ky fakt.
Propozim menuje:
Mëngjesi: çaj ose kafe e lehtë, lëng agrumesh, 50 g bukë integrale, 1 kos.
Dreka: 70 g pasta me domate dhe një mollë.
Darka: 100 g gjoks pule, sallatë mikse, 1 frut i freskët.
Gaforrja
Të lindurit nën këtë shenjë shëndoshen ose dobësohen në bazë të humorit dhe situatave, kjo edhe për shkak të nepsit dhe dembelizmit të spikatur. Prandaj këshillohet gjithmonë një ushqyerje e varfër në yndyrna, të skuqura, për të shmangur tendencën sidomos femërore, për forma të rrumbullakosura.
Propozim menuje:
Mëngjesi: 50 g kos i freskët me fruta të freskëta, çaj ose kafe e lehtë.
Derka: një sallatë e bollshme mikse me 100 g ton natyral, speca dhe perime sipas dëshirës.
Darka: 100 g mish i pjekur, perime të gatuara në avull.
Luani
Ushqyerja e këshilluar është e thjeshtë dhe natyrale: e varfër në yndryrna shtazore, përgjegjëse për kolesterolin. Për të shmangur ulje-ngritjet e peshës, Luanët në moshë të re duhet të shmangin darkat e bollshme me shoqërinë. Janë shumë të këndshme, por lënë pasoja të pariparueshme në shëndet.
Propozim menuje:
Mëngjesi: 30 g qumësht i skremuar, çaj ose kafe e lehtë, lëng agrumesh të shtrydhura gjatë paradites.
Dreka: 60 g peshk me vaj e limon, sallatë mikse me perime në avull.
Darka: 50 g pasta me salcë të lehtë, 50 g mish i bardhë, fruta të freskëta ose kumbulla të pjekura.
Virgjëresha
Nën shenjën e Virgjëreshës janë përgjegjës organet e ndjeshme ndaj transformimit dhe prekjes të troksinave, arsye se pse të lindurit e kësaj shenje tentojnë të akumulojnë kile në zonën e barkut. Për të shmangur edhe tendencën që kanë për t’u prekur nga anemia, të lindurit nën shenjën e Virgjëreshës duhet të ndjekin një dietë të pasur me hekur dhe vitaminë B12.
Propozim menuje:
Mëngjesi: 40 g qumësht pjesërisht i skremuar, 30 g muesli, 1 lugë mjaltë.
dreka: 70 g pasta me domate dhe borzilok, 150 g sallatë mikse.
Darka: 150 g mëlçi e pjekur, 150 g perime në avull.
Peshorja
Për të mbajtur organe të shëndetshme dhe për të shmangur fryrjet e provokuara nga ankthi dhe tensioni, ushqyerja duhet të jetë e pasur e shumëllojshme dhe pastruese. Duhet bërë edhe aktivitet fizik, por pa e ekzagjeruar: nepsi, tipik për këtë shenjë, mbahet nën kontroll nga një metabolizëm efikas.
Propozim menuje:
Mëngjesi: çaj ose kafe, 1 fetë bukë integrale, 2 lugë marmelatë.
Dreka: 50 g oriz të përgatitur sipas dëshirës, 200 g sallatë mikse, 1 fetë bukë e thekur, 1 frut.
Darka: 100 g peshk ose mish i bardhë i pjekur, 1 patate e pjekur, 100 g perime të pjekura.
Akrepi
Të lindurit nën shenjën e Akpreit nuk kanë problem me peshën, por duhet të bëjnë gjithsesi lëvizje dhe të ndjekin një dietë të pasur me kalçium, fosfor dhe vitaminë E: qumësht dhe bulmet, leguminoze, fruta ta thata në sasi të bollshme.
Propozim menuje:
Mëngjesi: 100 g qumësht pjesërisht i skremuar, me kafe dhe një lugë mjaltë.
Dreka: supe perimesh dhe 80 g pasta me domate dhe borzilok, 150 g sallatë, fruta.
Darka: 100 g mish i bardhë, sallatë sipas dëshirës, 1 fetë ëmbëlsirë dhe 1 top akullore.
Shigjetari
Zakonisht Shigjetarët shëndoshen sepse me klaimin e vitive nuk lëvizin më dhe e lënë pas dore shëndetin e këmbëve dhe të organeve kryesore. Dieta duhet të jetë e varfër me acid urik dhe karbohidrate, por e pasur me vitanimë B1 dhe B2, që përmbahen në kokrrat e grurit, sojës, farat vajore, qumështin e bletës, lakrat dhe bizelet.
Propozim menuje:
Mëngjesi: çaj me veti pastruese, kos i bardhë me fruta të freskëta dhe një lugë mjaltë.
Dreka: 50 g pulë ose viç i zier, 150 g perime të freskëta, fruta stine.
Darka: 1 porcion supë perimesh, 50 g proshutë krudo ose djathë, 1 fetë bukë.
Bricjapi
Është shenja e kockave, shtyllës kurrizore dhe dhëmbëve. Ushqyerja duhet të jetë e shumëllojshme,e pasur me vitamina A dhe PP dhe mbi të gjitha me kalçium. Duhet konsumuar mishi i bardhë dhe mishi i kuq shoqëruar me leguminoze. Për të shmangur celulitin dhe shqetësimet me qarkullimin e gjakut duhet shmandur kripa, të pihet shumë ujë dhe të konsumohen fruta të kuqe.
Propozim menuje:
Mëngjesi: çaj ose kafe me biskota të thata dhe një lugë mjaltë.
Dreka: 70 g pasta me domate dhe vongole, perime jeshile dhe fruta të stinës.
darka: 100 g mëlçi e pjekur, 100 g perime në avull dhe një lugë vaj ulliri.
Ujori
Sidomos përfaqësueset femërore të Ujorit kanë më shumë tendencën për t’u shëndoshur në pjesën e poshtme të trupit. Shpesh vihen re shqëtësime të ushqyerjes shumë më shpesh sesa tek shenjat e tjera. Prandaj regjimi suhqimor duhet të rregullohet nga një dietolog dhe duhet të shmangë të skuqurat dhe yndyrnat shtazore.
Propozim menuje:
Mëngjesi: lëng agrumesh të shtrydhura ose karotash me 20 g bukë ose biskota të thata.
Dreka: 50 g oriz me parmixhan dhe jeshillëqe, 100 g karota dhe fruta stine.
Darka: 200 g supë jeshillëqesh me 20 g orizi.
Peshqit
Ata që i përkasin shenjës së Peshqve, që lidhet me këmbët dhe sistemin limfatik, janë të “rrumbullakët” nga natyra, idhtarë të kuzhinës së mirë dhe mbi të gjitha të verës të mirë. Për të shmangur problemet me linjën është e rëndësishme që Peshqit të ndjekin një dietë të pasur me jeshillëqe dhe të varfër me yndyrna dhe alkool.
Propozim menuje:
Mëngjesi: 100 g fruta të kaluara në mikser, 2 biskota të thata
Dreka: 100 g mish i pjekur në pjastër, 100 g karota dhe kungulleshka sallatë, 30 g bukë integrale.
Darka: supë perimesh me fasule dhe parmixhan, fruta të pjekura pa sheqer.
