Nga Bledi Mane-Public Enemy
fb.com/bledi.mane
instagram.com/bledimane
Qindra arsye kam ta le kete vend. Mijera arsye kam te zhdukem e te aratisem ku te dua, ku te mundem. I justifikoj udhetimet e mia jashte Shqiperise dhe po te justifikuara i kam kapricot e mia per te kerkuar azil ne cdo kontinent. Shkrime, atakime, kercenime, justifikime, pretendime, mallkime, mungese lirie, liri te cunguar, liri te kafshuar, gazetari ne rrezik, rrezik dhe frike, censure dhe asnje ure, asnje ure komunikimi.
Une jam ne udhekryq, ti je ne udhekryq, qyteti yt eshte ne udhekryq, vendi yt i ulur kembekryq mes nje dileme qe po i zhgarravitet per ti shpartalluar identitetin. Dhe besoj e hasni cdo dite depresionin e madh te kesaj republike.
Objekte kulti mbushur rrafsh me njerez. Kantina bixhozi mbushur rrafsh me qytetare. Lloto lagjesh supermbushur me kryefamiljare e femije. Psikiatri te boshatisura nga turpi i marrezise kolektive. Vajza te reja qe dembelosin kapacitetet duke ofruar me te palodhshmen. Shtepiake qe lavazhojne trurin me telenovela orientale. Droge dhe alkool per te vene ne gjume instiktin e rrevoltes dhe si perfundim politikë pa dallim kahu qe mberthen e shkerdhen edhe qytetarine e vaket mbetur si relike ne kete vend. Atehere ç’te bejme: do ikim nga mendja apo do ikim nga atdheu?
Nje interviste e me te madhit hero kombetar te gjalle, nje interviste e Ismail Kadarese qe i jepte gazetarit te ri te asaj kohe Remzi Lani ne fillimvitin e bekuar 1991 godet ne koken time porsi plagosje e fresket qe te rezymon mëkatet:
-“Revolucioni politik duhet te pasohet me revolucionin kulturor ne kete vend!”
Top Channel eshte si ajo femra e bukur qe pas lindjes se shumë femijeve, pas humbjes se bashkeshortit, pas rikuperimit te financave, pas dilemes se madhe te hullezimit te vazhdimesisë nuk e tjetersoi gjenezen fillestare te trashegimise.
Top Channel po raskapitet per te korporuar oksidentalizmin mes gjeneratave. Nuk u shit lire te ndryshonte diskursin kulturor. Nuk na injektoi ringjallje perandorish me diktature te kamufluar. Nuk u josh nga pazare te lira te tregut te peninsulës. Nuk u tut nga pazare otomane te latimit te krizave politike e sociale. Nuk u tremb nga tranzicioni i audiences. Nuk dyshoi ne investimin gjigand fillestar. Nuk u shperqendrua nga kopimi masiv dhe markato e produkteve dhe personaliteteve te tij që vetë i rriti por Top Channel mbeti monumenti kulturor qe iu prish edhe per faj te vetë vetem suvaja nga kushtet atmosferike. Vetem suvaja, pra fasada iu prish se se brendshmi mbeti shkolla e pakonkurueshme e industrise mediatike shqiptare.
Eshte ne udhekryq identiteti evropian shqiptar dhe një nga çadrat më të mëdha e më të garantuara ku duhet te fusim koken shumica prej nesh per të na mbrojtur nuk eshte ne Bulevard, por eshte atje ne Kashar te studiot e bukura te nje Shqiperie lozonjare.
Ndaj e dashur Vjollca qe nuk je konturuar vetem me ngjyren politike të emrit tënd, vazhdo pikturo ekranin e gjigandit Top Channel me emancipimin dhe shkollimin kunder dilemes tranzitive kombetare. Eshte investim afatgjate ky i juaji dhe më teper se luksi i jetes se femijeve te tu, kujdesu per goditjen finale te misionit qe trashegove.
E mban mend shprehjen legjendare te avokat Spartak Ngjeles ne kohen e mesymjes se madhe kunder jush?
-Eshte pasuri kombetare Top Channel, duhet te mbrohet pa frike!
Ndaj si taksapagues dhe dashamires i shqiptarizmës oksidentale u bej thirrje juve, ju të gjithë familjarë, pronarë, dhëndurë, kollovarë, dashnorë, aktorë, docentë, producentë,kolonjarë, këngëtarë, mallagjarë, shoferë, parukierë, artistë, skenaristë, mallistë, humoristë, nopranë, kuksianë, skraparllinj, malinj, velina, balerina, jugorë, hamshorë, veriorë …
Keni pergjegjesi kombetare ta mbani gjalle identitetin evropian shqiptar duke e percjelle nga ekrani juaj, nga ekrani yne!
