Me një urim për deputetin socialist, Erjon Braçe, i cili festonte 45-vjetorin, kryeministri Edi Rama ishte i qetë në Asamblenë Kombëtare të Partisë Socialiste.
“Dua ta nis me një urim, me një socialist të flaktë, bashkëpunëtor të palodhur, deputet shembullor, shok besnik e nevrik, që sot mbush 45 vjeç. Dhurata më e mirë, albumi i Juventusit, që e kanë firmosur kastile shokët”, deklaroi Rama dhe Erjon Braçe i emocionuar me lot në sy, iu afrua podiumit dhe e përqafoi. Po ashtu edhe kryeministri Rama u prek nga ky çast.
Duke vazhduar me skuadrën e tij të zemrës, Juventusin, kryeministri Rama tha se zgjedhjet nuk do të shtyhen!
“Data e zgjedhjeve nuk shtyhet. Ftoj PD të marrë shembull nga Barcelona e Juventus, data e zgjedhjeve nuk shtyhet. Shanset që Barcelona të fitoje janë 50%. Kurse shanset e PD për të fituar janë aq sa ato të Saliut për të zëvëndësuar Luis Enrique”.
