Kur kriza politike ka mbërritur në apogjeun e saj, madje kur të gjithë presin uljen në tryezë përmes një kompromisi, Rama, Meta e Basha duket se sërish zgjedhin monologun në vend të dialogut. Ata do të shfaqen sot në mbrëmje, veç e veç, në tre emisionet politike të së enjtes në mbrëmje. Basha do të jetë përballë Fevziut (21 00), Rama përballë Ylli Rakipit (20 45) dhe Meta përballë Dritan Hilës (21 00)
Lideri i opozitës, Lulzim Basha do të intervistohet në “Opinion”, për çfarë pret dhe çfarë është gati të japë në kuadrin e një kompromisi gjithëpalësh.
Por deri në çfarë pike është gati të negociojë kryedemokrati pas 48 ditësh në protestë? A a ka një marrëveshje të heshtur Basha- Meta, pavarësisht një marrëdhënieje të përfolur si të vështirë mes të dyve? Këto do të jenë pyetjet ndaj të cilave ai duhet të përgjigjet bën me dije për Lapsi.al një burim nga “Opinion”.
Ndoshta Basha e ka dhënë provën e parë se është i gatshëm për kompromis. Ai ka kërkuar që emisioni të kryhet në çadrën e protestës, por pas ngulmimit të gazetarit Blendi Fevziu, Basha ka pranuar të shkojë në studion e “Opinion”.
Nga ana e tij, kryeministri Edi Rama do të intervistohet rreth mënyrës se si dilet nga kriza. Por Ylli Rakipi, kurrësesi nuk do të rrezikonte që emisioni i tij të bëhej edhe më monolog, sesa monologu gjithëpërfshirës që pritet mbrëmjen e sotme. Madje thuhet se ai ka përgatitur një surprizë që do ta destabilizojë Ramën. Ndër pyetjet “interesante” të përgatitura për kryeministrin është ajo nëse ky i fundit ka kuptim të shkojë në zgjedhjet e 18 Qershorit bashkë me Ilir Metën.
Por, “sfida” që pret Ramën, është se si do t’i përgjigjet pyetjes, nëse do t’a çojë PS-në në zgjedhjet e 18 Qershorit të vetme, pasi PD dhe LSI deri tani duket se nuk kanë ndërmend të shkojnë pa arritur kompromis (Shiko videon poshtë).
Konstatimit se këto intervista janë të lidhura pazgjidhshmërisht, i lidhet fakti se kjo “garë” në media ka nisur falë Ilir Metës, personazhit politik që, edhe pse në koalicion me Edi Ramën, po afron qëndrime gjithnjë e më shumë me Lulzim Bashën.
Sot në emisionin “Arena”, Ilir Meta do të intervistohet rreth po këtij koalicioni, a do të dalë apo do t’a vazhdojë? A do t’i qëndrojë deri në fund vendimit për mos shkuar në 18 qershor pa opozitën apo jo (shiko videon poshtë).
Pra sot në “Prime Time” tre liderët kryesorë të vendit do të prodhojnë monologët e tyre, duke sfiduar matësit e audiencës dhe duke iu drejtuar kryesisht idhtarëve të tyre. Lapsi.al do t’i ndjekë të tre intervistat. Kryesisht për t’iu shmangur monologut dhe për të karahasuar se ku konvergojnë dhe ku nuk bashkohen versionet e Bashës, Metës dhe Ramës, për krizën. (Lapsi.al)
Edi Rama në “Të Paekspozuarit”:
