“Jam besimplotë që ne do të mund t’i krijojmë PD dhe partive të tjera rreth saj mundësinë që të regjistrohet natyrisht në formatin aktual secili më vete, edhe jashtë afatit. Në një afat mundësish për të përgatitur fletët e votimit dhe patjetër gati ti ofrojmë që në 7 maj të shkojë me një kandidat në Kavajë dhe një turmë njerëzish.” ka shpjeguar Kryeministri
“Kush ka më shumë përgjegjësi duhet ta tregojë këtë përpara popullit”. Me këto fjalë Kryeministri Edi Rama ka shpjeguar pak para mesnate, kohë kur mbyllet edhe afati i regjistrimit të kandidatëve në zgjedhje, se përse ka vendosur të kandidojë si i gjashti në Vlorë.
Pas një dite të lodhshme, dhe me konsultime të vazhdueshme për listat e kandidatëve të deputetëve, Rama ka dalë përpara publikut nga selia rozë për të dhënë komentin e tij përpara nisjes zyrtarisht të fushatës elektorale për 18 Qershorin.
E ka nisur duhe falënderuar për kontributin e tyre, figurat e njohura brenda PS që nuk do të garojnë më për deputetë.
“Rama dua të bëj një përmbledhje të shkurtër për skuadrën tonë që do të zbresë në fushë për betejën e 18 qershorit.
Dua një mirënjohje për të gjithë deputetët dhe deputetet që kontribuan dhe ishin pjesë e rrugës nga Shqipëria që kishim dhe nga ajo që kemi duke filluar nga Namik Dokle, Valentina Leskja dhe padyshim Arta Dade”, tha Rama.
Shefi i qeverisë ka shpjeguar edhe surprizën e PS në këto lista, kandidimin e tij dhe të Gramoz Ruçit, jo më si të parë në listë, por respektivisht i gjashti dhe i nënti në qarqet ku ato garojnë.
“Kjo listë e ka edhe rrezikun për të mos dalë ne deputetë, por po ashtu edhe për të arritur një fitore si kurrë më parë të PS në këto qarqe. Por si unë dhe Gramozi, kemi vendosur në këtë mënyrë. Kjo nuk është një ftesë për PD-në. Pavarësisht se unë kam besimin deri në minutën e fundit se PD do të marrë pjesë në zgjedhje. Por kush ka më shumë përgjegjësi në parti, duhet ta tregojë veten përpara popullit. Unë vazhdoj të mendoj që PD do të hyjë në zgjedhje jam i bindur që nuk është iluzion por reale,pasi e kam pasur gjithmonë këtë bindje. Jam besimplotë që ne do të mund t’i krijojmë PD dhe partive të tjera rreth saj mundësinë që të regjistrohet natyrisht në formatin aktual secili më vete, edhe jashtë afatit. Në një afat mundësish për të përgatitur fletët e votimit dhe patjetër gati ti ofrojmë që në 7 maj të shkojë me një kandidat në Kavajë dhe një turmë njerëzish.” ka shpjeguar Kryeministri
Në këtë mënyrë, PS ndez zyrtarisht motorët për 18 Qershor, ku kërkon një tjetër fitore dhe mandat qeverisës.
