Lulzim Basha ka marrë një tjetër goditje të fortë nga brenda partisë së ti.
Pas Majlinda Bregut dhe Jozefina Topallit, një tjetër zë i rëndësishëm në PD, Eduard Selami, ka thënë se Basha e përdori çadrën e PD-së kundër reformës zgjedhore dhe për të nxjerrë PD-në nga zgjedhjet.
“Kam vënë re se zoti Basha e përdori çadrën jo më për një protestë paqësore, por fatkeqsisht me një retorike populiste dhe me një gjuhë të papërshtatshme.
E përdori për të anashkaluar institucionet dhe më keq akoma për të bojkotuar parlamentin në një moment të rëndësishëm, siç është reforma në drejtësi, që është e lidhur me rrugën integruese të Shqipërisë në Europë dhe më tej akoma me një retorikë të paprecedente për të bllokuar dhe për mos marrë pjesë në zgjedhje, e cila është mjaft e dëmshme për Partinë Demokratike dhe për Shqipërinë”, tha Selami për “Zërin e Amerikës”.
