Pak para skadimit të ultimatumit të zyrtarit të lartë amerikan, Brian Yee për kreun e opozitës Lulzim Basha vjen sinjali i parë pozitiv.
Është krytari partisë Agrare Ambientaliste, Agron Duka, aleati më i rëndësishëm i Bashës, i cili gjatë fjalës së tij në punimet e Asamblesë Kombëtare të PAA është shprehur optimist për arritjen e një marrëveshje.
Teksa ka njohur anëtarët e saj me situatën politike Duka tha se tashmë ka nisur puna për arritjen e pikave të përbashkëta në mënyrë që vendi të dalë nga kriza.
“U mor në shqyrtim paketa MecAllister dhe propozimet e bëra nga kryeministri Rama siç ishte zv/kryeministri etj e cila kërkon një kohë të domosdoshme implementimi dhe patjetër që të realizohet duhet të ketë një minimum kërkesash pra një identifikim biometrim dhe numërim elektronik. Unë kam ngulur këmbë dhe besoj u ra dakord që votimi elektronik e ka humbur sensin pasi ndërkohë është caktuaar një datë zgjedhjesh dhe kërkohet një shtyrje e logjikshme sigurisht që nuk mund të kërkojmë një vit. E rëndësishme është se duket sikur po shkon drejt realizimit. Besoj se do të ketë një datë që të jetë optimale për ne. Por sidoqoftë kjo datë a është pas dy muajsh apo pas 6 muajsh e rëndësishme është që ne na gjen të bashkuar dhe në krah të njëri-tjetrit. Unë gjykoj sipas mendjes time që jo vetëm në politike, por në biznes, jetë dhe kudo po deshe të dështosh shiheni njëri-tjetrin me dyshim, po deshe të ecësh përpara shiheni njëri- tjetrin me respekt, nuk dua ta huazoj atë fjalën e Metës, por e theme sinqerisht me dashuri”, shprehet Duka.
Gjatë punimeve të asamblesë u darkodësua edhe një herë qëndrimi i PAA në lidhje dhe përkrahjen e opozitës për të arritur që vendi të ketë zgjedhje të lira dhe të ndershme.
