Kryeministri Edi Rama dhe kreu i demokratëve Lulzim Basha duket se po shkojnë drejt një marrëveshjeje mbështetur mbi paketën e propozimeve të McAllister.
Paketa parashikonte 5 çështje kryesore: 4 ministra me persona teknikë të propozuar nga Kryeministri dhe të aprovuar nga opozita, kreu i KQZ-së t’i jepej PD, Avokati i Popullit t’i jepej PD-së, Presidenti konsensual si dhe ndryshimet në polici.
Është ende e paqartë se si mund të kenë rënë dakort palët pasi Rama pak më herët e hodhi poshtë këtë paketë duke thënë se i kishte ikur koha dhe tanimë jemi në kushtet kur “furtuna” e ndryshimeve në polici ka ndodhur dhe Presidenti është zgjedhur.
Nisur nga kjo, zërat thonë se Rama ka “dhënë” për PD-në postin e zv.kryeministrit ndërsa ka vendosur si kusht mostejkalimin e datës 23 korrik si datën e votimit.
Zërat thonë gjithashtu se Rama dhe Basha kanë rënë dakort edhe për identifikimin elektronik ndërsa është totalisht e paqartë pjesa e vettingut, pra nëse do votohet para apo pas zgjedhjeve.
Megjithatë orët e pasdites, me ikjes e zv.ndihmës sekretarit amerikan të Shtetit, pritet të vulosin gjithçka.
