Taulant Muka, nje i ri idealist, i shkathët dhe elokuent i cili mori shumë vëmendje publike nga denoncimi që bëri për doktoraturat plagjature në Shqipëri, që për fat të keq janë me shumicë sidomos në gjirin e drejtuesve të lartë të strukturave shteterore apo edhe akademike.
Kur Taulanti u emëruar zëvendës – minister i Arsimit nuk e google-va e as nuk e facebook-va emrin e tij, por pasi ai dha dorëheqjen me vrik nga posti qe mori përpara disa ditësh, më thënë të drejtën u kuriozova pak me shumë per këtë djale i cili fill pas dorëheqjes nisi edhe të thoshte të vertetat e administratës shtetërore, dhe shumë media fjalët e tij i bënë edhe lajme kryesore, sikur të ishin ndonjë e re për ne që jetojmë në Shqipëri.
Tek po lundroja në profilin e tij në facebook me zuri syri edhe një replikë që ai kish patur me ish-zëvendës ministren e Financave, Irena Beqiraj, e cila i kërkonte Z.Muka të shpjegonte publikisht titullin që ai etiketohej nga media, prikërisht termat “studiuesi edhe akademiku”. Taulanti i pergjigjej Znj.Beqiraj duke i thënë kësaj të fundit të hapte fjalorin “Oxford” për të parë përkufizimin e emrit “Academic”, po pse mor Taulant duhet të hapim fjalorin e Oxford-it për termin “Akademik” kur ne kemi fjalorin tonë shqip i cili e përkufizon kështu fjalën Akademik (flas atë fjalën akademik me k dhe jo atë me c).
AKADEMIK m. sh.
- Anëtar i drejtpërdrejtë i një akademie të shkencave.
- Titull që i jepet një dijetari, një shkrimtari, një artisti etj. nga një akademi.
Sipas këtij fjalorit tonë or lum miku, Znj.Beqiri është në rregull e ti je gabim, sepse ne këtu në Shqipni i referohemi fjalorit tonë e jo fjalorit te Oxford-it, pra ti s’duhet ta lejoje median të të etiketonte si akademik. Zëvendës minister u bëre në Shqiperi e jo në Evropë keshtu që s’mundesh me na thënë që të hapim fjalorin e huaj kur ne kemi këte tonin.
Edhe një gjë tjetër Taulant, po të google-osh emrin tënd tani dalin me shumë lajmet që ti ke dhënë doreheqjen se s’gjete letër për të fshirë b*thën në ministri sesa lajmet mbi të qenurit një akademik; i atashuar në dy universitete Europiane.
Taulant, ti djali akademik i atashuar në Universitet Evropiane nuk duhet ta kishe pranuar postin e zëvendës ministrit sepse e dije që ministër kishe Linditën që përpara se Edi ta bënte ministre ka qenë thjesht një Këshilltare e Këshillit të nje Njësisie Bashkiake neTiranë, egoja jote prej akademiku nuk duhet ta pranonte këtë gjë.
Ti e dije Taulant se me cfarë do perballeshe ndaj nuk të shkon të bësh qaramanin me dore në zemer nëpër studio televizive duke folur për veten tënde ne veten e tretë. Ti e dije Taulant sa ishin rrogat në Shqiperi sepse vetë the që unë ketu s’kam ardhur për pagesën sepse atje ku isha merrja 9000 mijë euro /muaj, ndërsa tani del e ankohesh se në ministri duhet ta paguaje me rrogen tënde kafen dhe ujin …
Ti, Taulant mund te bëhesh vërtetë një akademik i shkëlqyer në Europe por kauzën për të cilën le pas rrogën tënde prej 9 000 Euro/ muaj e humbe në pak ditë duke u dorëhequr si të ishte një kauzë plagjaturë.
Taulant, vërtetë prisje të gjeje gjërat në rregull në ministri apo të kishe një staf të kualifikuar të cilit mjafton t’u kërkoje dicka edhe ata do të të bindeshin apo do ishin besnik ndaj teje. Nëse ke patur keto pritshmëri per atë post që more vetem për pak ditë atëhere ti je një version i Taulantit kërkon një motër, i cili qante pas fustanit të mamasë që ajo ti dhuronte motrën që ai donte.
Ti, Taulant nuk kishe pse të kërkoje as fustan ku te qaje e as xhakete ku të terhiqje sepse kishe dijet e tua dhe mund ti vije në funksion të kauzes tënde, sepse po të doje ti e gjeje një mënyrë, sepse ti je i ri dhe të rinjtë janë shpresë, ata nuk tërhiqen .
Copyright/zeripopullit.al
