Pas një stuhie tregimesh të frikshme të gazetave, disa shkolla kanë paralajmëruar prindërit për Momo challenge “sfidën momo” – por sipas spicialistëve kjo është një mashtrim.
Karakteri, i treguar me sy të fryrë, supozohet se shfaqet në WhatsApp dhe i vendos fëmijët përpara “sfidave” të rrezikshme siç janë dëmtimi i tyre.
Por organizatat bamirëse thonë se nuk ka pasur raporte për askënd që merr mesazhe apo dëmton vetveten si rezultat i kësaj sfide.
Ata thanë se mbulimi i madh mediatiak që iu bë kësaj “sfide” rezultoi një histori e rreme.
“Mbulimi i lajmeve për Momo challenge është nxitja e shkollave ose policisë për të paralajmëruar rreth rreziqeve që mund të paraqiteshin nga sfida e Momo, e cila prodhoi më shumë lajme duke paralajmëruar për sfidën”, tha redaktori i medias së Guardian Jim Waterson.
Çfarë është ‘momo’?
Në fillim të kësaj jave, versionet e historisë së Momo u bënë virale në mediat sociale. Ata tërhoqën qindra mijëra shpërndarje duke përfunduar madje në artikuj gazetash që raportonin këtë histori.
Sipas tregimit të rremë, fëmijët kontaktoheshin në WhatsApp nga një llogari që pretendohej të ishte momo. Aty thuhej se ata inkurajoheshin të ruanin karakterin si një kontakt në telefonin e tyre dhe më pas ai iu kërkonte të kryenin sfida, si dhe iu thuhej që të mos iu tregonin anëtarëve të tjerë të familjes së tyre për sfidat që bënin.
Qendra e Sigurisë së Internetit në Mbretërinë e Bashkuar i tha Guardian se ky ishte një “lajm i rremë”.
Disa artikuj gazetash pretendojnë se sfida e Momo ishte “e lidhur” me vdekjen e 130 adoleshentëve në Rusi. Por , këto raportet nuk janë vërtetuar nga autoritetet përkatëse.
Imazhi i Momo është në të vërtetë një foto e një skulpture e bërë nga kompania japoneze e efekteve speciale Link Factory.
Çfarë duhet të bëjnë prindërit?
Policia ka sugjeruar që, në vend që të përqëndrohet në memen specifike të momo, prindërit mund të shfrytëzojnë mundësinë për të edukuar fëmijët për sigurinë e internetit, si dhe për të pasur një bisedë të hapur rreth aksesit apo marrdhenies së fëmijëve me internetin.
Për të shmangur një alarm të rremë apo të panevojshëm, prindërit duhet gjithashtu të jenë të kujdesshëm në perhapjen e lajmeve me të rriturit e tjerë, sepse në këtë mënyrë ata përjetësojnë mitin.
Burimi :BBC
Përshtati në shqip: Redaksia online zeripopullit.al
